رقم واتساب واحد، فريقك كله عليه، ومساعد ذكي بيرد من معرفتك ليل ونهار. وانت شايف كل حاجة.
من أول رسالة لحد ما العميل يشتري ويرجع تاني.
بيرد من معرفتكم وكتالوج منتجاتكم، وبيتعلّم من تعديلات الفريق على ردوده. ولو مش متأكد بيحوّل للإنسان بدل ما يغلط.
كل واحد بحسابه وصلاحياته، وكل رد عارف مين كتبه. الخاص والجروبات وكل الأرقام في لوحة واحدة.
اكتب اللي بيميّزك، والعرض اللي تقدّمه للمتردد، ومنافسينك وأسعارهم. لما العميل يقول "عند غيركم أرخص" أو يقارن، المساعد بيرد بأدب بمميزاتك، من غير ما يتكلم وحش عن حد ولا يألّف خصم. والذكاء الاصطناعي بيحلّل رسايل عملاءك كل أسبوع: اعتراضات السعر، والمنافسين اللي بيتذكروا، وأسباب التردد، ويقترحلك تعمل إيه.
الرسالة الصوتية بتتحوّل لكلام ويترد عليها.
بالصور والأسعار، والمساعد بيبعت صورة المنتج اللي اتسأل عنه.
مراحل وسجل كامل بكل رد وملف، ورسايل متابعة تلقائية.
سؤال محدش رد عليه؟ تنبيه للمسؤول بمنشن.
سرعة رد كل موظف، ومين مستني، وجودة الردود كل أسبوع.
الرسايل محفوظة حتى لو اتمسحت، ونسخة كاملة على Google Drive.
كل اللي محتاجه شغلك على واتساب، من غير ما تجمع أدوات من هنا وهناك.
مثال لطريقة الرد. في الحقيقة المساعد بيرد من بياناتك أنت. جرّب "عايز أكلم حد".
واتساب بزنس كويس لمحل صغير بيرد بنفسه. لو عندك فريق وعملاء كتير، الفرق كبير.
| واتساب بزنس (التطبيق) | فريق | |
|---|---|---|
| السعر | مجاني | اشتراك شهري حسب الباقة |
| الرد التلقائي | رسالة ترحيب وغياب وردود سريعة بتكتبها بإيدك | بوت ذكاء اصطناعي بيفهم السؤال ويرد من معرفة شغلك 24 ساعة |
| الذكاء الاصطناعي | مساعد Meta في بعض الدول بس، وإعداداته بسيطة | بيتعلّم من ردود فريقك، وتختار المزوّد (Gemini أو Groq أو OpenAI أو Claude وغيرهم) مجاني أو مدفوع |
| الرسايل الصوتية | ❌ | ✅ يفهم الفويس ويرد عليه |
| الفريق على نفس الرقم | الموبايل + لحد 4 أجهزة مربوطة | فريق كامل بصلاحيات لكل موظف |
| متابعة الجروبات | ❌ | ✅ يرد في الجروبات وينبّه لو سؤال اتساب من غير رد |
| ملف العميل | تصنيفات (Labels) وملاحظة قصيرة | ملف كامل: مراحل، سجل دائم بكل رد وملف، رسايل متابعة تلقائية |
| التقارير | إحصائيات بسيطة للرسايل | تقارير يومية وأسبوعية للجودة وأداء كل موظف |
| أكتر من رقم | كل رقم في تطبيق لوحده | كل الأرقام في لوحة واحدة |
| الإرسال الجماعي | قوائم بث لحد 256 شخص، ويوصل بس للي حافظ رقمك | إرسال جماعي على دفعات بحدود تحمي رقمك |
| كتالوج المنتجات | ✅ موجود | ✅ كتالوج بالصور والأسعار، والبوت بيرد على الأسعار منه ويبعت صورة المنتج |
| طريقة الربط | تطبيق رسمي من Meta | بيتربط على رقمك بالـ QR زي واتساب ويب |
المقارنة مع تطبيق واتساب بزنس المجاني. المميزات عندهم بتختلف حسب الدولة وبتتغيّر مع التحديثات.
ولو واحد وقف، التاني بيكمّل. ابدأ ببلاش بمفتاح مجاني من غير كارت بنكي.
ابدأ بتجربة، وكبّر لما تحتاج.
أهم الحاجات اللي هتحتاجها من أول يوم.
من الإدارة ← واتساب دوس "ربط رقم"، وافتح واتساب على موبايلك ← الأجهزة المرتبطة ← ربط جهاز، وامسح الكود. في دقيقة المحادثات بتبدأ تظهر، والموبايل بيفضل شغال عادي.
من الإدارة ← المستخدمين ضيف كل موظف بإيميله، واختار الصفحات اللي يشوفها: عرض بس أو تعديل. الدخول بكود بيوصله على الواتساب.
من ملف النشاط اختار نوع شغلك (مبيعات، دعم فني، وغيرهم). النظام بيظبط الكلمات والحقول ومراحل العملاء على نشاطك.
اعمل حساب مجاني عند Google AI Studio أو Groq، وانسخ مفتاح الـ API، والصقه في مزوّدي الذكاء الاصطناعي. النظام بيجرّبه ويوريك الموديلات المتاحة.
افتح المحادثات، اختار الشات، واكتب ردك أو دوس / للردود الجاهزة. كل رد بيتسجّل باسم الموظف اللي كتبه.
اكتب حرفين في البحث فوق، وهتطلعلك اقتراحات: عملاء، أرقام، رسايل، ملفات. ممكن تدوّر بالاسم أو بجزء من الرقم.
من الجروبات شوف الأعضاء، وتابع الأسئلة اللي ما اترد عليهاش، وفعّل الترحيب ومنع السبام (لينكات وأرقام من بره الفريق بتتمسح وصاحبها بيطلع).
من الإرسال الجماعي اختار القايمة واكتب الرسالة. الإرسال بيمشي على دفعات بحدود تحمي رقمك من الحظر.
من البوت ← تشغيل/إيقاف اختار الوضع: مسودات (البوت بيكتب والفريق يراجع ويبعت) أو تلقائي (بيرد لوحده لما يكون واثق). ابدأ بالمسودات أسبوع.
من التعلّم خليه يقرا محادثاتك القديمة، وضيف أسئلة وإجابات وملفات. وكل ما حد من الفريق يعدّل رد البوت، بيتعلّم الأسلوب.
حدّد ساعات العمل، وساعات الهدوء بالليل، وكل جروب يقدر يبقى ليه مواعيده. ولو حد من الفريق دخل الشات، البوت بيسكت ويسيبه.
زي #menu لقايمة الأوامر، و#سؤال لسؤال البوت في الجروب. وتقدر تعمل أوامرك الخاصة من البوت ← الأوامر.
من كتالوج المنتجات ضيف منتجاتك بالسعر والصورة. البوت بيرد على الأسعار منه ويبعت صورة المنتج اللي اتسأل عنه.
كل عميل ليه ملف فيه مرحلته وبياناته وملاحظات الفريق وسجل بكل رد وملف اتبعتله. غيّر المرحلة من الملف أو من لوحة المتابعة.
فعّلها من إعدادات البوت: البوت بيسأل العملاء اللي تحت المتابعة عن أحوالهم كل كام يوم، في الساعة اللي تحددها.
تقرير يومي، وتقرير أسبوعي بسرعة رد كل موظف والعملاء المهملين، وتقرير جودة ردود البوت. بيوصلك على الواتساب.
اربط Google Drive من الإعدادات العامة، وفعّل النسخ اليومي. الرسايل بتفضل محفوظة عندك حتى لو اتمسحت من الموبايل.
لا. بتربط رقمك الحالي (عادي أو بيزنس) بكود QR زي الواتساب ويب، والموبايل بيفضل شغال عادي.
البوت بيرد من معرفة شركتك بس، ولما مش متأكد بيكتب مسودة لفريقك أو بيحوّل للموظف. وتقدر تجرّبه الأول قبل ما تشغّله.
أيوه، كل موظف بحسابه وصلاحياته، والنظام بيوضح مين رد على مين.
أيوه، بيرد بلهجة العميل، وبيفهم الرسايل الصوتية كمان.
من لحظة الربط كل الرسايل بتتحفظ، والقديم بيتسحب على قد ما الواتساب بيسمح.
الربط بكود QR زي واتساب ويب، مش عن طريق الواجهة الرسمية من Meta، فالرقم بيفضل خاضع لقواعد واتساب. الاستخدام العادي مع العملاء آمن، والنظام فيه حدود للإرسال الجماعي تحمي رقمك. لكن السبام والرسايل الجماعية المزعجة ممكن تخلّي واتساب يقيّد الرقم أو يحظره، وده مسؤولية صاحب الرقم زي ما مكتوب في شروط الاستخدام.
أيوه، من غير عقود.